Kultura - Hezkuntza - Gizarteratzea

Nire usteak.....

Kultura: Leku jakin batean duten bizitzeko modua da, bertako ohiturak, hizkuntza, jakintzak, baloreak, sinismenak, izateko erak.... definitu edo zehaztuko du kultura, hauek aldatzen diren heinean, kultura ere aldatzen joango da, hau dela eta, munduan zehar kultura desberdinak daude, bakoitza bere balore eta bizi moduekin batera datozenak.

Hezkuntza: Jakintzen transmisioa da, edukiak, baloreak, ohiturak....barneratzen ditu, leku jakin batean dagoen kulturan oinarritzen da. Hezkuntza ez da eskolak helarazten digun eduki edo jakintzetara mugatzen soilik, hezkuntza zabalagoa da, bakoitzaren inguruak eta esperientziek ere parte hartzen dute irakaskuntzan, bakoitzaren hezkuntza partikularragoa bilakatuz.

Gizarteratzea: Gizakia gizartearen partaide bilakatzea bertako arauak eta kultura barneratuz. Hezkuntzaren bidez, gizarte jakin bateko kulturaren jabe egiten zara, hauek barneratzen diren heinean gizarte kide bat bihurtuz, beste partaide bat.

Kultura, hezkuntza eta gizarteratze kontzeptuak elkar lotuak doaz, banandu ezinak dira, batak bestea baldintzatu eta bultzatzen du aldi berean. Gizartea, kulturaz osatzen da; hezkuntza, honen transmisioaz  arduratzen da baita gizarte bakoitzeko kulturaren iraupena mantentzeaz eta helburu nagusi bezala gizakia gizarteratzea izango du.

 Hezkuntza eremuak: formala eta ez formala

Zein aukeratu ?????

          Etorkizunean pentsatzea zaila egiten zait, are gehiago ikastaroko lehen urtean, baina hezkuntza formalean eta ez formalean  aritzea gustatuko litzaidakela uste dut, biak gustoko ditut. Hezkuntza informala aldiz edonon dugu, beraz, ustekabean edo nahita bertan arituko naiz.

      Unibertsitatea, hezkuntza formalera zuzendua dago, derrigorrezkoa den hezkuntzara bideratzen gaituzte, bai eduki eta jarrera aldetik. Hezkuntza formalean aritzea lan polita iruditzen zait, lehen hezkuntzako adineko haurrak gustoko ditut, oraindik jakin mina dute, ikasten hasi berriak dira, mamitu beharrekoak; irakasteaz gain, metodologia eta jarrera egokiak erabiliz, beraien irudimena eta motibazioari etekina atera daitekela uste dut, hauek bultzatu.

       Hezkuntza ez formalean berriz kurtso asko eginak ditut, oso gustora gainera, orain arte audiobisual mundua landu dut, argazkigintza, irudia eta soinuaren inguruko arloak jorratuz. Hezkuntza ez formalean aritzea ere gustatuko litzaidake, hauek espezializatuagoak dira, zehatzagoak; gehienetan, teoria baino gehiago, praktika erabiltzen da metodologia bezala, nik egindako kurtsoetan adibidez. Irakasteko era hau gogoko dut, ikasgaiei erabilpena ematea, eremu honetan aritzea ez dut baztertzen, nik orain arte ikasitakoarekin harremana badu batez ere. Bestalde, eskolaz kanpo egiten diren jarduerak ere interesgarriak iruditzen zaizkit, haurrentzako eginten diren jarduerak, kultur etxeetan, udako kurtsoak, begirale moduan ibili....irakasteko era asko baitaude.

       Bi eremuak helburu bera dute, irakastea, tituloaz gain erabiltzen diren gaiak eta metodologiak desberdintzen ditu, bata, bestearen osagarri bihurtuz askotan. Eremu hauetan ibiliko banintz, bietatik gustoko edo erabilgarriak diren metodoak erabiltzen saiatuko nintzen, ikasgaiak derrigorrezkoak izaten dira baina irakasteko metodoa moldatu dezakegu, teoria hutsa alde batetara utziz.